葉問.泳椿

從前,溪中有兩片落葉在隨水流飄蕩。
新落葉問舊落葉:『師兄,你葉面上的莫非便是泳椿?』
舊落葉:『何出此言?』
新落葉問:『聽聞泳椿是一種喜歡背泳的昆蟲,你葉面上的昆蟲似乎在背泳,那應該是一隻仰泳椿吧?』


舊落葉:『這是隻一隻金蠅,牠反肚是因為已經瓜咗,不是在游背泳。』

新落葉問:『咁,仰泳椿係點樣呢?』
舊落葉:『跟我嚟,搵隻過你睇啦。嗱,呢度有隻。』
Click here to open new window  CTRL+Mouse wheel to zoom in/out

新落葉問:『咁,點解佢地要仰泳,唔府泳呢?』
舊落葉:『嗯,我諗,係因為佢地背部好似隻船底,背游起嚟浮水啲啩。』
新落葉問:『背住水底,有魚嚟食佢都唔知啦。點解佢地唔學水較剪咁,利用水張力咪可公在水面划水,咪唔使背住水底囉?』
舊落葉:『嗯,咁佢對眼應該可以睇埋水底情況嘅。』
新落葉問:『咁,在水面就話用船低型背部浮水啫,嗱,你睇…佢潛水時都係背泳,點解唔反返肚向下潛呢?』
Click here to open new window  CTRL+Mouse wheel to zoom in/out

舊落葉:『嚇,咁就唔知喎,慣咗啩。』
新落葉問:『唔係慣咗咁簡單啩?嗱,佢在水面抓住石面時,又識得反返肚向下?』

舊落葉:『嚇,唔識解喎..』
新落葉問:『咦,嗰邊隻背部白色,唔係黑色嘅,點解?』
Click here to open new window  CTRL+Mouse wheel to zoom in/out

舊落葉:『嚇,可能係唔同齡的若蟲,咪唔同色囉。』
新落葉問:『咁唔同齡的若蟲,點解要唔同色呀?』
舊落葉:『…….』
新落葉問:『嘩,呢隻睇得好清楚呀,纖毛畢現潻呀!足端啲毛有咩用架?』

舊落葉:『撥水時游快啲啩。』
新落葉問:『咁點解唔生成漿型呀?咪重遊得快?』
舊落葉:『好煩呀!乜你這片葉咁多嘢問架?』
新落葉問:『我剛剛從樹上掉下來,入世未深,乜都問下好啲,呵?』
因為新落葉太多嘢問,每一句說話都是一條問題,以問號結尾。
於是江湖上被封為『葉問』,而佢因為問得多泳椿嘅嘢,
對之十分了解,繼而創出一套泳椿拳,聞名於世。


想在手機閱讀更多無脊椎類資訊?下載【香港水族網】Android應用
分享到Facebook

最新文章

技術平台: Nasthon Systems