香港的外來淡水魚之中，有一種原是墨西哥特有種，名為雜色劍尾魚。
因為雄魚和雌魚的體色紋不同，香港人一般稱之為『鴛鴦』。
因為牠適應力及繁殖力強，及擁有不同體色，
成為劍尾魚屬中人工混種魚的親魚之一，也成為基因研究的一種熱門對象魚。
60年代於美國本土及夏威夷開始發現有野外群，
其他已知發現野外群的地方包括哥倫比亞、哥斯特尼加、新加坡、香港。
資料：
學名：Xiphophorus variatus var (Meek, 1904)
中文：雜色劍尾魚
俗名：鴛鴦、金鴛鴦
英文︰Variable platyfish
科名：花鱂科(Poeciliidae)
原生地域：墨西哥南方的 Tamaulipas 到北方的非拉克斯州的特有種
體長： 7.0 cm TL
簡介：體內受精的卵胎生鱂魚。
有許多不同的色彩變異種，體側的斑紋變化多端，包括大大帆鴛鴦及米老鼠等
有些個體全身各鰭皆為黑色，有些則由延長拖曳的背鰭。
食物：雜食性。
睇完硬資料，又睇下軟資料，一場真魚騷，劇目：『鴛鴦戲水』：
夏日炎炎，一條男鴛鴦傻強，游到一潮魚聚集地『魚民坊』蹓躂。
當然，在這種場合，蹓躂目的即是『浦』，『浦』的目的即是周圍結識異性，
結識異性的目的即是．．．要『忙』。
『魚民坊』果然係潮魚聖地，魚女比魚仔更多，
傻強一到，即急不及待顯示自己鮮黃色的背鰭和尾鰭，
在三條魚女之間招搖Show Off，
當正自己正在參加香港先生在女評判面前Show Muscle一樣。
佢仲心想『我咁靚仔，Ｄ魚女仲唔飛埋嚟！』
不過，ｄ魚女反應冷淡下，這條阿嬌一味埋頭一啖啖咁食石上美點，
話之你係畢比特混吳顏祖。
傻強睇中另一魚女名名阿Sa，佢尾鰭有點粉紅斑，潮的得嚟散發著青春。
不過阿Sa好高竇，自顧行街街，眼尾都冇睄過傻強。
『搞錯呀！我咁型仔，冇理由冇女吼喎？』
於是傻強轉守為攻，主張出擊去聊ｄ魚女。
終於佢搭上左Coco。
Coco：『阿生，你同我一齊游，唔怕俾記者影相呀？』
傻強：『怕咩？我又唔係高官。聽講你跳舞好叻喎，可否表演嚟欣賞下？』
Coco:『哎呀，又有人影相呀，借個肚腩遮一遮！』
傻強：『怕咩呀？』
Coco：『我地係墨西哥非法入境魚，只可以住響魚缸度，唔可以響野外住架，
被人見到又話我地係入侵魚種魚，歧視我地架！』
傻強：『車，我地咁靚，冇事既，
係都歧視ｄ通處霸佔地盤既褔壽魚先啦啦！
嗱，至多的我用身體遮住你嘞。』
傻強同Coco好快成為一Pair，不過頑皮的Coco係要耍花槍，
游來游去，係要傻強追餐懞至肯同佢『忙』。
咪睇佢地魚仔細細，追逐起來，泳速都相當快，有片為証：
