香港的外来淡水鱼之中，有一种原是墨西哥特有种，名为杂色剑尾鱼。
因为雄鱼和雌鱼的体色纹不同，香港人一般称之为‘鸳鸯’。
因为牠适应力及繁殖力强，及拥有不同体色，
成为剑尾鱼属中人工混种鱼的亲鱼之一，也成为基因研究的一种热门对象鱼。
60年代于美国本土及夏威夷开始发现有野外群，
其他已知发现野外群的地方包括哥伦比亚、哥斯特尼加、新加坡、香港。
资料：
学名：Xiphophorus variatus var (Meek, 1904)
中文：杂色剑尾鱼
俗名：鸳鸯、金鸳鸯
英文︰Variable platyfish
科名：花鳉科(Poeciliidae)
原生地域：墨西哥南方的 Tamaulipas 到北方的非拉克斯州的特有种
体长： 7.0 cm TL
简介：体内受精的卵胎生鳉鱼。
有许多不同的色彩变异种，体侧的斑纹变化多端，包括大大帆鸳鸯及米老鼠等
有些个体全身各鳍皆为黑色，有些则由延长拖曳的背鳍。
食物：杂食性。
睇完硬资料，又睇下软资料，一场真鱼骚，剧目：‘鸳鸯戏水’：
夏日炎炎，一条男鸳鸯傻强，游到一潮鱼聚集地‘鱼民坊’蹓跶。
当然，在这种场合，蹓跶目的即是‘浦’，‘浦’的目的即是周围结识异性，
结识异性的目的即是．．．要‘忙’。
‘鱼民坊’果然系潮鱼圣地，鱼女比鱼仔更多，
傻强一到，即急不及待显示自己鲜黄色的背鳍和尾鳍，
在三条鱼女之间招摇Show Off，
当正自己正在参加香港先生在女评判面前Show Muscle一样。
佢仲心想‘我咁靓仔，Ｄ鱼女仲唔飞埋嚟！’
不过，ｄ鱼女反应冷淡下，这条阿娇一味埋头一啖啖咁食石上美点，
话之你系毕比特混吴颜祖。
傻强睇中另一鱼女名名阿Sa，佢尾鳍有点粉红斑，潮的得嚟散发著青春。
不过阿Sa好高窦，自顾行街街，眼尾都冇睄过傻强。
‘搞错呀！我咁型仔，冇理由冇女吼㖞？’
于是傻强转守为攻，主张出击去聊ｄ鱼女。
终于佢搭上左Coco。
Coco：‘阿生，你同我一齐游，唔怕俾记者影相呀？’
傻强：‘怕咩？我又唔系高官。听讲你跳舞好叻㖞，可否表演嚟欣赏下？’
Coco:‘哎呀，又有人影相呀，借个肚腩遮一遮！’
傻强：‘怕咩呀？’
Coco：‘我地系墨西哥非法入境鱼，只可以住响鱼缸度，唔可以响野外住架，
被人见到又话我地系入侵鱼种鱼，歧视我地架！’
傻强：‘车，我地咁靓，冇事既，
系都歧视ｄ通处霸占地盘既褔寿鱼先啦啦！
嗱，至多的我用身体遮住你嘞。’
傻强同Coco好快成为一Pair，不过顽皮的Coco系要耍花枪，
游来游去，系要傻强追餐蒙至肯同佢‘忙’。
咪睇佢地鱼仔细细，追逐起来，泳速都相当快，有片为証：
