從前，溪中有兩片落葉在隨水流飄蕩。
新落葉問舊落葉：『師兄，你葉面上的莫非便是泳椿？』
舊落葉：『何出此言？』
新落葉問:『聽聞泳椿是一種喜歡背泳的昆蟲，你葉面上的昆蟲似乎在背泳，那應該是一隻仰泳椿吧？』
舊落葉：『這是隻一隻金蠅，牠反肚是因為已經瓜咗，不是在游背泳。』
新落葉問：『咁，仰泳椿係點樣呢？』
舊落葉：『跟我嚟，搵隻過你睇啦。嗱，呢度有隻。』
新落葉問：『咁，點解佢地要仰泳，唔府泳呢？』
舊落葉：『嗯，我諗，係因為佢地背部好似隻船底，背游起嚟浮水啲啩。』
新落葉問：『背住水底，有魚嚟食佢都唔知啦。點解佢地唔學水較剪咁，利用水張力咪可公在水面划水，咪唔使背住水底囉？』
舊落葉：『嗯，咁佢對眼應該可以睇埋水底情況嘅。』
新落葉問：『咁，在水面就話用船低型背部浮水啫，嗱，你睇…佢潛水時都係背泳，點解唔反返肚向下潛呢？』
舊落葉：『嚇，咁就唔知喎，慣咗啩。』
新落葉問：『唔係慣咗咁簡單啩？嗱，佢在水面抓住石面時，又識得反返肚向下？』
舊落葉：『嚇，唔識解喎..』
新落葉問：『咦，嗰邊隻背部白色，唔係黑色嘅，點解？』
舊落葉：『嚇，可能係唔同齡的若蟲，咪唔同色囉。』
新落葉問：『咁唔同齡的若蟲，點解要唔同色呀？』
舊落葉：『…….』
新落葉問：『嘩，呢隻睇得好清楚呀，纖毛畢現潻呀！足端啲毛有咩用架？』
舊落葉：『撥水時游快啲啩。』
新落葉問：『咁點解唔生成漿型呀？咪重遊得快？』
舊落葉：『好煩呀！乜你這片葉咁多嘢問架？』
新落葉問：『我剛剛從樹上掉下來，入世未深，乜都問下好啲，呵？』
因為新落葉太多嘢問，每一句說話都是一條問題，以問號結尾。
於是江湖上被封為『葉問』，而佢因為問得多泳椿嘅嘢，
對之十分了解，繼而創出一套泳椿拳，聞名於世。
