唉，呢排大陸果邊Ｄ花魚佬，日日走哂過嚟瘋狂咁捉我地，搞到成個濕地彈塗魚界風聲鶴淚，魚心惶惶。隔離灘大跳魚哨牙珍同傻強都被佢地捉左，相信已經成為珠海十大名菜既『豉油皇煎白鴿魚』嘞。
都係搵個隱蔽地方避下風頭先。
唔，呢度有個小氹仔，方便呼吸，响度抖吓先。以為响受保護既濕地好安全，最多避開下Ｄ獵食既候鳥，點知逃唔過Ｄ花魚佬。佢地冇申請自由行過境己經係犯法架喇，仲天光化日之下响保護區撤網剷泥捉我地，香港有關部門點做野架？越諗越興．．．
弊，有花魚佬！
咦，條友睇落唔似花魚佬喎。但係就鬼鬼祟崇，都係不懷好意。我既保護色做得咁好，都被佢發現，究竟佢想點？
咪嘞，人心叵測，安全至上，走為上著。
廣東彈塗魚（香港兩種常見彈塗魚之一，另一為大彈塗魚）
學名：Periophthalmus cantonensis
俗稱：花跳、花魚
鰕虎魚科＞背眼蝦虎魚亞科Oxudercinae
彈塗魚能用濕潤的皮膚和鰓室中的水分呼吸，能夠適應半水半陸的潮間帶環境，棲息於河口水域、沼澤及泥灘，在泥下建造由兩條垂直地道構成的洞內居住。在繁殖季節時，雄性的彈塗魚會豎起背鰭，吸引雌魚，成功後會鑽入地道。以螃蟹、昆蟲等節肢動物為主要食物。
內地花魚佬越境闖米埔捉彈塗魚新聞：http://www.hkheadline.com/news/headline_news_detail.asp?id=26218§ion_name=wnn
