吮腳趾的坑鯰

溪河中，坑鯰是最難拍攝的魚之一。

首先魚書資料話佢地係夜行魚，日頭好少見到。

其次，就算見到，佢地一般都好鬼祟怕人，見人就竄入石隙。

今次日光日白，有幾條坑鯰出哂嚟任影，可能真係要歸功於同遊網友獵隼隻腳趾的吸引力。

兩條坑鯰不但不怕人，向還腳趾游近。

幾條坑鯰係咁吮獵隼腳趾，好似好好味咁。

獵隼手指都好吸引坑鯰，唔知係咪之前摔過腳趾。

Pterocryptis cochinchinensis　越南隱鰭鯰 ，俗名坑鯰、黃鯰，越南鯰。（舊稱Silurus_cochinchinensis）之前淨係試過影到佢條尾，今次有獵隼腳趾幫手，可以一窺全豹。

坑鯰最長23.5cm，具有兩對觸鬚。生活在山澗溪流中，多在礫石縫隙中活動。以水生昆蟲、小蝦、魚為食。

冇，呢張照片目的係睇完前面，睇後面咁啫。

幾坑鯰數量不算多，分佈於中國南部，廣西、廣東、福建等地的山溪中。越南、老撾及泰國。

這裏的坑鯰不會像某台長咁迴避鏡頭，更主動游向鏡頭，毫不怕醜。